ჩვენ შევადგინეთ ეს მარტივი სახელმძღვანელო, რომელიც დაგეხმარებათ მეტი ინფორმაციის მიღებაში  ხის პროდუქციის წარმოებისთვის ხის ჯიშების გამოყენების შესახებ.

ჩვენ გავეცნობით ხის ყველაზე პოპულარულ სახეობებს და განვსაზღვრავთ მათ სხვადასხვა მახასიათებლებს, ასევე განსხვავებებს მყარ და რბილ ხის სახეობებს შორის.

ასევე იხილავთ ინფორმაციას ბოჭკოვანი ხის პლიტების შესახებ და რამდენად ფართოდ გამოიყენებიან ისინი წარმოებაში. აგრეთვე ავხსნით თუ როგორ გამოიყენება ანათალი ფანერა, შპონი ხის პროდუქციის ზედაპირისთვის  ძვირფასი იერსახის მისანიჭებლად .

შეწებილი მერქნის ბოჭკოვანი მასალები

მერქნის ბოჭკოვანი დაფა არის იაფი წარმოებული ხის მასალა.  ბოჭკოვანი დაფა მზადდება რბილი ან მყარი ხეებისგან. ხის მერქნის ტანისგან დანაწევრებული ხის ბოჭკოები ფისების და წებოს საშუალებით არის შეკავშირებული, ცხელ წნეხში მოხვედრისას წებო ჯერ ლღვება, შემდეგ კი მყარდება. ერთ-ერთი ყველაზე პოპულარული ბოჭკოვანი-დაფა არის მბოფ.  მბოფ ცნობილია სიმტკიცით, გამძლეობით და იდეალურია ავეჯის პროდუქციის წარმოებისთვის.

მერქნის ბოჭკოს ფილები (მბოფ)

მბოფ ძალაზედ მკვრივია და იმაზე ბევრად ხშირად გამოიყენება, ვიდრე ხალხი ფიქრობს. სინამდვილეში ბევრისთვის გასაკვირი იქნება, თუ გაიგებს რამდენი მბოფ-ის ავეჯი არის მათ გარშემო. თავისი ძლიერი / მკვრივი სტრუქტურით,  მბოფ-ის ავეჯი სავარაუდოდ გაცილებით მეტხანს გაუძლებს, ვიდრე წინასწარი მოლოდინი იყო. თუმცა ასეთი ავეჯი არ არის მყარი მასიური ხისგან დამზადებული, იგი არის მასიური ხის ნაჭრებისგან წარმოებული ფრაქციისგან მბოფ-ისგან აწყობილი. მბოფ ძალზედ პოპულარულია Ikea- ში, რომელიც ავეჯის საცალო ვაჭრობის ერთ-ერთი ლიდერია. უმეტეს შემთხვევაში, მბოფ-ით გაკეთებულ ავეჯს ზემოდან ძვირფასი ხის თხელი ფანერა – ანათალი, შპონი ეკვრება, რაც მას ძვირადღირებულ შესახედაობას აძლევს.

მერქნის ბურბუშელის ფილა (მბფ)

მიიღება შემაკავშირებელ ნივთიერებასთან შერეული დაქუცმაცებული მერქნის დაწნეხით. მბფ–ს წარმოება დაფუძნებულია მერქნის ნარჩენების და დაბალხარისხოვანი მერქნის გამოყენებაზე. მბფ  მზადდება ხის ნაფოტებისა და ბურბუშელებისგან, რომლებიც ერთმანეთთან ცხელი დაპრესვისა და  შემაწებლების, ფისების საშუალებით არის შეკავშირებული, ცხელ წნეხში მოხვედრისას ეს წებო ჯერ ლღვება, შემდეგ კი მყარდება. მბფ  ძალიან პოპულარულია ავეჯის დამზადებისას, განსაკუთრებით Ikea- ს ავეჯის დამზადებისას. ეს არის  წარმოებული მტკიცე ხე და ხშირად გამოიყენება ფანერილებურ (თხელი ანათალი შპონით გადაკრული) ზედაპირის მქონე ავეჯისთვის, კერძოდ  ბრტყელი ზედაპირის მქონე ავეჯის დამზადებისას, აგრეთვე სხვა ტიპის პროდუქციებისთვის.

შეწებილი ფანერა

შეწებილი ფანერა არის ძალზედ ძლიერი და მტკიცე წარმოებული ხის პროდუქტი. რადგანაც იგი შედგება ხის თხელი ფანერების, ახდილი შპონის ფენებისგან, რომლებიც ერთმანეთთან არის შეწებებული, რათა შეიქმნას ხის სწორი, მთლიაანი გლუვი ხის ფურცელი. ამდენად, შეწებილი ფანერა წარმოადგენს ბრტყელ ფურცელს, რომელიც მიიღება უმეტეს წილად ურთიერთპერპენდიკულარულად განლაგებული ახდილი შპონის სამი ან მეტი ფურცლის ურთიერთშეწებებით. შეწებილი ფანერა მზადდება შემდეგი ჯიშის მერქნისაგან: არყის ხე, თხმელა, იფანი, წიფელი, ცაცხვი, ნაძვი, ფიჭვი და სხვა. არსებობს შეწებილი ფანერის მიღების სამი მეთოდი: ტენიანი – ცხელი წესი, მშრალი–ცხელი წესი და მშრალი–ცივი მეთოდი. ფართოდაა გამოყენებული შეწებილი ფანერის მიღების მეორე – მშრალი–ცხელი მეთოდი, რომლის დროსაც შპონს წინასწარ აშრობენ 6÷12% ტენიანობამდე, წებოს წასმის შემდეგ ადგენენ პაკეტს და აწარმოებენ მის გაცხელებას C 155 –ის ფარგლებში. ფანერა პოპულარულია ავეჯისა და იატაკის ინდუსტრიებში, მისი თანდაყოლილი სიმტკიცისა და გამძლეობის გამო, ფართოდ გამოიყენება სახალხო მეურნეობაში, როგორც კონსტრუქციულ, ისე სამშენებლო მასალად..